"ლივერპული", "ტოტენჰემი" და "მანჩესტერ სიტი" "მანჩესტერ იუნაიტედის" სატრანსფერო სამიზნის, ბრუნუ ფერნანდეშისთვის ბრძოლას გამოეთიშნენ.

ლისაბონის "სპორტინგის" ნახევარმცველი შთამბეჭდავი სეზონის ჩატარების შემდეგ "წითელი ეშმაკების" მთავარი მწვრთნელის რადარზე მოექცა.

ფერნანდეშმა, რომელსაც ოთხი წელი აქვს დარჩენილი "სპორტინგთან" კონტრაქტის მიხედვით, მნიშვნელოვანი როლი ითამაშა ერთა თასზე პორტუგალიის ნაკრების ტრიუმფში.

გამოცემა The Express კი იტყობინება, რომ "იუნაიტედი" ერთ ნაბიჯშია 60 მლნ. ფუნტად შეფასებული ფეხბურთელის შეძენისგან, ვინაიდან ინგლისელმა კონკურენტებმა მისდამი ინტერესი ჩაიხშვეს.

მაგრამ ამ ტრანსფერის განსახორციელებლად და საჭირო ფინანსების მოსაძიებლად სოლსკიაერს წასვლის სურვილის მქონე პოლ პოგბასა და რომელუ ლუკაკუსთან განშორება შეიძლება მოუხდეს.

რაც შეეხება თავად "სპორტინგის" პოზიციას, მთავარ მწვრთნელ მარცელ კაიზერს მისი შენარჩუნება სურს, თუმცა გზაზე არ გადაეღობება:

"მინდა, რომ ბრუნუ დარჩეს, მაგრამ ყველა შესანიშნავად აცნობიერებს შექმნილ ვითარებას. რთული იქნება მისი შენარჩუნება. ამჟამად არდადეგებზეა და როცა დაბრუნდება, ვნახავთ, რა მოხდება."

წყარო: express