ზაფხულის მიმდინარე სატრანსფერო ფანჯარაზე, ინგლისის ყველაზე ტიტულოვანი გუნდი "მანჩესტერ იუნაიტედი" მორიგ ტრანსფერს ათანხმებს.
"წითელი ეშმაკების" პირველი ტრანსფერი, "სუონსის" რიგებიდან დენიელ ჯემსის შერჩევა და მისი "ოლდ ტრაფორდზე" გადმოყვანა იყო. ამჯერად ოლე გუნარმა შემადგენლობას "კრისტალ პალასის" მარჯვენა მცველი ნიჭიერი ახალგაზრდა ფეხბურთელი ვან ბისაკა დაამატა.
ბისაკას "იუნაიტედში" ტრანსფერი შეთანხმებულია, ოფიციალურად კი სულ მალე დადასტურდება. - იუწყება BBC.
რაც შეეხება ფეხბურთელის სატრანსფერო ღირებულებას, "წითელ ეშმაკებმა" როი ჰოჯსონის გუნდს ბისაკას სანაცვლოდ 50 მილიონი ფუნტი სტერლინგი გადაუხადეს (თითქმის 56 მილიონი ევრო).
ვან ბისაკა "იუნაიტედთან" გრძელვადიან კონტრაქტს გააფორმებს, "მანჩესტერში" მისი ანაზღაურება კი 90 ათასი ევრო იქნება კვირაში.