"მანჩესტერ იუნაიტედის" ფრანგი ნახევარმცველის ირგვლივ რამოდენიმე გრანდი აქტიურად ტრიალებს. ეს ყველაფერი მას შემდეგ რაც პოგბამ თამამად ღიად განაცხადა, რომ ახალი გამოწვევების მიღება ახალ კლუბში სურს.

მადრიდის "რეალისა" და ტურინის "იუვენტუსის" გარდა, 26 წლის ნახევარმცველი ნასერ ალ ხელაიფის "პესეჟესაც" მოუნდა. ხელაიფმა ინგლისურ გრანდს საინტერესო წინადადებით მიმართა.

The Independent-ი იუწყება, რომ ფრანგებმა გლეიზერების კლუბს პოგბას სანაცვლოდ ნეიმარი შესთავაზეს. "წითელმა ეშმაკებმა" ეს წინადადება ერთი მიზეზის გამო დაბლოკეს.

ნეიმარი საფრანგეთში ხელფასის სახით კვირაში 900 ათას ფუნტს იღებს, ვუდვორდი ბრაზილიელისთვის ამხელა ხელფასის გადახდას არ გეგმავს.