"მანჩესტერ იუნაიტედს" მიმდინარე სატრანსფერო ფანჯარაზე საინტერესო ტრანსფერი ერთი მიზეზის გამო ჩაეშალა. კლუბი მიუნჰენის "ბაიერნიდან" ცენტრალური მცველის მატს ჰუმელსის გადაბირებას ცდილობდა.

საბოლოო ჯამში ჰუმელსმა ყოფილ კლუბს "დორტმუნდის ბორუსიას" მიაშურა. პრესაში გაიჟღერა ინფორმაციამ თუ რატომ იუარა ჰუმელსმა "მანჩესტერ იუნაიტედში" ტრანსფერი.

როგორც BILD- ი იტყობინება, 30 - წლის მცველის სურვილი, მომავალ სეზონში ჩემპიონთა ლიგაზე ასპარეზობა გახლდათ, "მანჩესტერ იუნაიტედი" კი მომავალ სეზონში ევროპა ლიგაზე გამოცდის ძალებს.

ჰუმელსი "დორტმუნდს" 30,5 მილიონი ევროს სანაცვლოდ შეუერთდა. გასულ სეზონში გერმანელმა ფეხბურთელმა მიუნჰენურ გრანდში ბუნდესლიგის 21 შეხვედრაში მიიღო მონაწილეობა.