ლონდონის "ტოტენჰემის" დანიელი ნახევარმცველი კრისტიან ერიკსენი დიდი ალბათობით მაურისიო პოჩეტინოს კლუბს დატოვებს. ერიკსენს ახალი გამოწვევების მიღება სურს.

დანიელ ნახევარმცველს კარიერის გასაგრძელებლად ორი არჩევანი აქვს, პირველი - ინგლისის "ნისლიან ალბიონზე" დარჩენა და "მანჩესტერ იუნაიტედში" გადაბარგებაა. "იუნაიტედის" დამრიგებელი ოლე გუნარ სოლსკიაერი ერიკსენს "ოლდ ტრაფორდზე" უხმობს.

რაც შეეხება მეორე არჩევანს ის იტალიის ჩემპიონატია. ერიკსენით ტურინის "იუვენტუსი" ინტერესდება. ჯერი თავად კრსიტიანის არჩევანზეა. - იუწყება Daily Mirror.

ფეხბურთელი აქამდე ფლორენტინო პერესის მადრიდის "რეალსაც" სურდა, თუმცა ესპანეთში გადასვლა თავად ერიკსენმა არ ისურვა გამომდინარე იქიდან, რომ სამეფო კლუბმა უკვე გაიფორმა ედენ აზარი.

"დეზები" ნახევარმცველს 120 მილიონზე ნაკლებად არ შეელევიან. გასულ სეზონში ფეხბურთელმა "ტოტენჰემის" რიგებში ჩატარებულ 51 მატჩში 10 გოლი გაიტანა და 17 საგოლე გადაცემაც შეასრულა.