"მანჩესტერ იუნაიტედის" ბელგიელი ფორვარდი რომელუ ლუკაკუ "ინტერის" რადარზე მას შემდეგ უფრო აქტიურად მოხვდა რაც მილანურ კლუბში ანტონიო კონტე დაინიშნა.
კონტეს პირადი სურვილია, რომ ლუკაკუმ "ნერაძურის" მაისური მოირგოს და კარიერა იტალიის სერია ა-ში გააგრძელოს. იტალიელ სპეციალისტს თავდამსხმელის ხილვა საკუთარ გუნდში ჯერ კიდევ "ჩელსი"- ში მუშაობის დროს სურდა, თუმცა რომელუ "იუნაიტედის" რიგებს შეუერთდა.
"ინტერსა" და "მანჩესტერ იუნაიტედს" შორის მოლაპარაკებები აქტიურ ფაზაშია. პრესამ გაავრცელა ინფორმაცია, რომ ლუკაკუმ იტალიელებთან კონტრაქტის პირადი დეტალები უკვე შეათანხმა, მაგრამ მხარეები ფეხბურთელის სატრანსფერო ფასზე ვერ თანხმდებიან.
"იუნაიტედს" ლუკაკუს სანაცვლოდ 84 მილიონი ევრო სურს, ხოლო "ინტერი" "წითელი ეშმაკებისთვის" მის გადმოსაბირებლად მხოლოდ 60 მილიონ ევროს გამოყოფენ. იუწყება - Football-Italia.
ჭორები
4 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.