"კრისტალ პალასის" ყოფილი ვარსკვლავის მარკ ბრაიტის თქმით, ზაჰას ყველა პოტენციალი აქვს იმისა, რომ კრიშტიანო რონალდო სათანადოდ შეცვალოს.
ბრაიტი დარწმუნებულია, რომ ინგლისელ გარემარბს ისეთივე ფენომენალური კარიერა ექნება, როგორც კრიშტიანოს ჰქონდა. "იუნაიტედმა იყიდა ფეხბურთელი, რომელსაც დიდი პოტენციალი აქვს. ბოლო რამდენიმე წელია, რაც იგი კარგ ფეხბურთს აჩვენებს. ამ შემთხვევაში შეუძლია ბევრად უკეთესი გახდეს".-განაცხადა ბრაიტმა talksport.co.uk.-თან ინტერვიუში.
"თავისი პოტენციალით შეუძლია გახდეს "ახალი კრიშტიანო რონალდო". ზაჰას აქვს ფენომენალური უნარი. იგი ორივე ფეხით კარგად თამაშობს, აქვს კარგი სისწრაფე და გამძლეობა. ზაჰა მუდმივად სწავლობს და უკვე ინგლისის ეროვნულ ნაკრებშიც დაუძახეს. დარწმუნებული ვარ, ზაჰამ "იუნაიტედში" გადასვლით სწორი გადაწყვეტილება მიიღო".