"მანჩესტერ იუნაიტედის" ბელგიელი თავდამსხმელი რომელუ ლუკაკუ "ოლდ ტრაფორდს" ტოვებს და კარიერის გასაგრძელებლად იტალიაში მიდის.
"წითელი ეშმაკების" ცხრიანი კონტრაქტს მილანის "ინტერთან" გააფორმებს. იუწყება - The Sun-ი.
26 წლის ფეხბურთელი თავის წარმომადგენლებთან ერთად უკვე შეხვდა "ნერაძურის" ხელმძღვანელობას და კონტრაქტის ირადი დეტალები წარმატებით შეათანხმა. "ინტერი" ოლე გუნარ სოლსკიაერის "მანჩესტერ იუნაიტედს" ლუკაკუს სანაცვლოდ 84 მილიონ ევროს გადაუხდის.
რომელუს "მანჩესტერ იუნაიტედთან" კონტრაქტი 2022 წლამდე აკავშირებს. გასულ სეზონში ლუკაკუმ "იუნაიტედის" მაისურთ პრემიერ ლიგაში ჩატარებულ 32 შეხვედრაში 12 გოლის გატანა მოახერხა.