სერ ალექსი აცხადებს, რომ მისთვის ძალიან რთულია შემადგენლობის არჩევა, რადგან ყველა მისი ფეხბურთელი იმსახურებს ძირითად შემადგენლობაში ყოფნას.
"წითლების" ბოსმა განაცხადა, რომ ის გამოიყენებს მთლიან შეადგენლობას, რათა წარმატებებს მიაღწიოს სამივე ტურნირზე.
მაგრამ ეს არ ნიშნავს იმას, რომ ფეხბურთელები კმაყოფილები არიან ამით, რადგან მათ უნდათ ყველა თამაშის ჩატარება - სწორედ ეს სურს სერ ალექსს.
როცა MUTV-მ მას შეკითხვა დაუსვა ადვილი იყო თუ არა მისთვის შემადგენლობის როტაცია, მან უპასუხა: "არა, ეს ძალიან რთულია. მე ბევრი იმედგაცრუებული ფეხბურთელი მყავს."
"ყველას უნდოდა ეთამაშა "რეალ მადრიდის" წინაღმდეგ და ეს ძალიან კარგია - ეს მათ რწმენაზე და თავდაჯერებულობაზე მიუთითებს."
"და მე ვფიქრობ მათ გაამართლეს თავიანთი თავი "რედინგის" წინააღმდეგ. მათი გამარჯვების წყურვილი და თამაშზე დამოკიდებულება შესანიშნავი იყო და მათ დაიმსახურეს შემდეგ ეტაპზე გასვლა."
"ამ კლუბში და ამ სიტუაციაში სადაც ჩვენ ვიმყოფებით, ყველაფერი შეიძლება მოხდეს. შეიძლება ფეხბურთელებმა მოულოდნელად თავიანთი თავი ფინალის ან ლიგის მნიშვნელოვანი თამაშის განაცხადში აღმოაჩინონ."
"მე ვფიქრობ ისინი გრძნობენ, რომ ეს შესაძლოა ძალიან მნიშვნელოვანი სეზონი აღმოჩნდეს მათთვის."