მხოლოდ ორი კვირა დარჩა იქამდე, სანამ "მანჩესტერ იუნაიტედის" პირველი გუნდის წევრები სავარჯიშო ბაზაზე შეიკრიბებიან და 2019/20 წლის სეზონისთვის მზადებას დაიწყებენ.
ოლე გუნარ სოლსკიაერმა უკვე გამოხატა თავისი სურვილი თავდაუზოგავი შრომისა და მომდევნო სეზონისთვის კარგი ფიზიკური მზადყოფნისთვის.
მწვრთნელს ასევე სურს, რომ თავისი შემტევი ფილოსოფია გაუზიაროს ფეხბურთელებს, რასაც დეკემბრიდან მოყოლებული ნერგავს შემადგენლობაში.
გასული სეზონის შუა ნაწილში სოლსკიაერს შეზღუდული შესაძლებლობა ჰქონდა გუნდთან სრულფასოვნად მუშაობისა, მაგრამ მომდევნო სეზონისთვის მზადების პროცესი მთლიანად მის ხელშია და ყველაფრის დეტალურად გავლის საშუალება ექნება.
შეგახსენებთ, რომ პრემიერ ლიგის მომდევნო სეზონს "წითლები" 11 აგვისტოს "ჩელსის" წინააღმდეგ "ოლდ ტრაფორდზე" გახსნიან.