რამოდენიმე დღის წინ ოფიციალურად დადასტურდა, რომ იტალიურ "რომას" პორტუგალიელი სპეციალისტი, უკრაინის "შახტარის" ყოფილი დამრიგებელი პაულო ფონსეკა გაწვრთნის.

სპორტულ პრესამაც არ დაახანა, დღეს ვხვდებით ინფორმაციას რომლის თანახმადაც "რომა" ინგლისური გრანდის "მანჩესტერ იუნაიტედის" ბრაზილიელი ნახევარმცველით ფრედით დაინტერესდა.

შეგახსენებთ, რომ ფრედი ფონსეკას თაოსნობით "შახტარში" სამი წლის განმავლობაში ასპარეზობდა. როგორც ჩანს ფონსეკას ყოფილი შეგირდის ახლა უკვე "რომაში" ხილვა სურს.

ოფიციალური მიმართვა ამ ეტაპზე არ არსებობს თუმცა, პრესის მიერ გავრცელებულ ინფორმაციებს თუ დავეყრდნობით ფრედი შესაძლოა იტალიაში გადაბარგდეს.