"მანჩესტერ იუნაიტედის" ბელგიელმა თავდამსხმელმა რომელუ ლუკაკუმ, ჟურნალისტებისთვის მიცემულ ინტერვიუში "ინტერის" ამჟამინდელი დამრიგებელი ანტონიო კონტე შეაქო და საკუთარ მომავალზე ბუნდოვანი განცხადებაც გააკეთა.
"იტალიის ჩემპიონატის დიდი გულშემატკივარი ვარ, ყოველთვის მსურდა იქ თამაში. სარი და რონალდუ "იუვენტუსში, კარლო ანჩელოტი "ნაპოლიში" და კონტე - რომელიც მსოფლიოში საუკეთესოა - "ინტერში", სერია ა-ს მომავალი სეზონი ძალიან საინტერესო იქნება.
საკუთარ მომავალზე გადაწყვეტილება მივიღე, თუმცა ამის შესახებ ახლა ვერ ვისაუბრებ. ხელშეკრულება "მანჩესტერ იუნაიტედთან" მაკავშირებს". - ციტირებს Tutto Napoli - რომელუ ლუკაკუს სიტყვებს.