იტალიური Corriere dello Sport-ის ცნობით, პოლ პოგბა მზადაა, ყოფილ კლუბს, ტურინის "იუვენტუსს" მიაშუროს. იტალიელების მთავარ პრობლემას ფინანსური ფეარ-პლეის წესების დაცვა წარმოადგენს, ფრანგის გადაბირებისთვის მათ რამდენიმე ფეხბურთელის დათმობა მოუწევთ. Tuttomercato-ის ინფორმაციით, ტურინელები ტრანსფერზე ოთხ ფეხბურთელს, მატია პერინის, მარიო მანჯუკიჩს, ჟოაო კანსელოს და ხუან კუადრადოს დააყენებენ. მათი სატრანსფერო ღირებულება დაახლოვებით 100 მილიონ ფუნტს შეადგენს.

"ოლდ ტრაფორდზე" რეგულარული სათამაშო პრაქტიკის არქონის გამო 2012 წელს პოგბა სწორედ "იუვენტუსში" გადავიდა, სადაც ოთხი წარმატებული სეზონი გაატარა და 2016 წელს რეკორდული თანხის სანაცვლოდ "იუნაიტედში" დაბრუნდა. ფრანგმა შერეული გამოცდილება მიიღო მანჩესტერში თავისი მეორედ ჩასვლის შემდეგ და 135 შეხვედრაში 31 გოლი გაიტანა.

პოგბას შეძენით მადრიდის "რეალიც" ინტერესდება და ნახევარმცველმა ჭორებს კიდევ უფრო მეტი გასაქანი მისცა, როცა აპრილში განაცხადა, რომ "ბერნაბეუზე" თამაში ყველას ოცნება იყო.

ფრანგ ნახევარმცველს "იუნაიტედთან" კონტრაქტი 2021-წლამდე აკავშირებს. ხელშეკრულება ასევე ითვალისწინებს კონტრაქტის ავტომატურად 1 წლით გახანგრძლივებას.