ნიკოლა პეპეს პრემიერ ლიგაში გადასვლას მიუნხენის "ბაიერნის" მაისურის მორგება ურჩევნია.
"ლილის" 24 წლის ვინგერი, რომლითაც "ლივერპული" და "მანჩესტერ იუნაიტედი" ინტერესდებიან, ბუნდესლიგის ჩემპიონებისგან სარფიან წინადადებას იღებს.
"მანჩესტერ სიტის" შემტევთან, ლეროი სანესთან კონტრაქტის პირობების ვერ შეთანხმების შემდეგ "ბაიერნმა" თავისი ყურადღება კოტ დ'ივუარელ ფეხბურთელზე გადაიტანა და "ლილს" მასში 70 მლნ. ფუნტს სთავაზობს.
საფრანგეთში დაბადებულ ფეხბურთელს ოლე გუნარ სოლსკიაერიც აკვირდება, ვინაიდან მას "იუნაიტედში" ახალგაზრდა მარჯვენა ვინგერის შეძენა სურს შეტევის გასაძლიერებლად.
პეპეს კარგი თამაში კი უყურადღებოდ არ დარჩენია ჩემპიონთა ლიგის ტრიუმფატორ იურგენ კლოპსაც, რომელსაც შეტევაში ახალი ძალები სჭირდება.
"ბაიერნი" კი პეპეს კლუბიდან წასული ფრენკ რიბერისა და არიენ რობენის შემცვლელად მოიაზრებს და მასში დიდი თანხის გადახდასაც არ მოერიდება.