მედიაში გავრცელებული ინფორმაციის თანახმად, "ბარსელონა" თავის ყურადღებას მარკუს რეშფორდის ტრანსფერზე გადაიტანს, თუკი ანტუან გრიზმანისა და ნეიმარის ტრანსფერს ვერ განახორციელებს.
"ბარსა" მიმდინარე სატრანსფერო ფანჯარაზე ურუგვაელი ფორვარდის, ლუის სუარესის შემცვლელის მოძებნას ეცდება.
ესპანური პრესის ცნობით კი, სწორედ ამ ინტერესის გამო ისინი "მანჩესტერ იუნაიტედის" თავდამსხმელის ირგვლივ შექმნილ მდგომარეობას აკვირდებიან, რათა ორი სასურველი ფეხბურთელის შეძენაში წარუმატებლობის განცდის შემთხვევაში სათადარიგო ვარიანტი უკვე მზად ჰქონდეთ.
წინა თვეში მადრიდის "ატლეტიკოს" დატოვების შესახებ საჯაროდ გაკეთებული განცხადების შემდეგ გრიზმანს აქტიურად უკავშირებენ "კამპ ნოუზე" გადასვლას.
ხოლო ნეიმარს თავისი ყოფილი კლუბი კვლავ ეპატიჟება, რადგან ერნესტო ვალვერდეს მომდევნო სეზონში ჩემპიონთა ლიგის მომგები გუნდის შექმნა სურს.
თავად "იუნაიტედის" მთავარი მწვრთნელის პოზიცია ასეთია - ოლე გუნარ სოლსკიაერი დარწმუნებულია, რომ ახალგაზრდა ინგლისელის შენარჩუნებას შეძლებს და მას მნიშვნელოვან როლს დააკისრებს გუნდის შენებაში.