წელიწადის ამ დროს რამდენიმე ფეხბურთელის კონტრაქტის ვადა იწურება და "მანჩესტერ იუნაიტედი" 2019/20 წლების სეზონისთვის მზადებას ახალი შემადგენლობით იწყებს.

პირველი გუნდის შემთხვევაში კლუბმა დაადასტურა, რომ ანდერ ერერასა და ანტონიო ვალენსიას დაემშვიდობა, ხოლო ხუან მატას ახალი კონტრაქტი შესთავაზა.

23-წლამდელთა შემადგენლობიდან კი ახალი კონტრაქტი შესთავაზეს ეიდენ ბარლოუს. ახალი პირობები შესთავაზეს მეკარეებს, ალექს ფოიტიჩეკსა და პოლ ვულსტონს, ისევე, როგორც იტალიელ მცველ ლუკა ერკოლანის.

სხვა რამდენიმე ფეხბურთელი კი, რომლებმაც გასული სეზონი იჯარით გაატარეს სხვა კლუბში, ახალი კარიერული გამოწვევის წინაშე დგანან, ვინაიდან მათ ახალი კლუბის მოძებნა მოუწევთ. ასეთები კი გახლავთ რეგან პული, ზაკ დირნლი, ტომ სანგი, კალუმ ფელანი, მეთი უილოკი და ჯეიმს უილსონი.

კლუბი ასევე დატოვეს მეთიუ ოლოსუნდემ, ტაირელ უორენმა, დი-ჯეი ბუფონჟმა, კალუმ გრიბინმა, ჯოშ ბოჰუიმ, ჯეიმს ტომპსონმა და მილენ ბაარსმა.

აქვე უნდა აღინიშნოს, რომ კალუმ გრიბინმა გადაწყვიტა, ტრავმის გამო კარიერა დაასრულოს და ცხოვრებაში ახალი მოწოდება იპოვოს.

წყარო: manutd.com