დენიელ ჯეიმსის შეძენაში "იუნაიტედს" კონკურენტი გამოუჩნდა.
"მანჩესტერ იუნაიტედი" დენიელ ჯეიმსის ტრანსფერს უახლოვდება, ვინაიდან "სუონსის" ვინგერისადმი "მონაკოც" იჩენს ინტერესს.
ჯეიმსი ოლე გუნარის პირველი შენაძენი იქნება "მანჩესტერ იუნაიტედში", მაგრამ შეთანხმება ჯერჯერობით სატრანსფერო ღირებულების გამო ვერ შედგა.
"იუნაიტედს" იმედი ჰქონდა, რომ 21 წლის ფეხბურთელს, რომელსაც ერთი წელი დარჩა მოქმედი კონტრაქტით, 10 მლნ. ფუნტად შეიძენდა.
მაგრამ "სუონსი" მას დაახლოებით 20 მლნ. ფუნტად აფასებს და ვინაიდან არცერთი გუნდი არ მიდის კომპრომისზე, მოლაპარაკებები შეჩერდა.
მაგრამ ფეხბურთელის შეძენით დაინტერესებული "მონაკოს" გამოჩენის გამო "იუნაიტედს" ჯიბეზე ხელის გაკვრა მოუწევს, თუ არ სურს უელსელის დაკარგვა.
თავად ჯეიმსს ძალიან სურს "ოლდ ტრაფორდზე" გადასვლა, ამიტომ "ლიდსსა" და "ბრაიტონში" პოტენციურ ტრანსფერს არც კი განიხილავს.
მაგრამ "მონაკო", რომელსაც შთამბეჭდავი მიღწევე აქვს ახალგაზრდული ნიჭის განვითარებაში, "იუნაიტედის" კარგ ალტერნატივას უნდა წარმოადგენდეს.
სოლსკიაერმა თავისი ყურადღება ჯეიმსს მხოლოდ მას შემდეგ მიაპყრო, რაც ცნობილი გახდა, რომ უმთავრესი სამიზნე ჯეიდონ სანჩო მინიმუმ ერთი წლის განმავლობაში ხელმიუწვდომელი იქნებოდა.
"იუნაიტედის" მწვრთნელს გუნდში საუკეთესო ახალგაზრდა ტალანტების გადაბირება სურს და თანაც მარჯვენა ხაზის გაძლიერებას გეგმავს.
მიუხედავად იმისა, რომ ჯეიმსი ძირითადად მარცხენა ფლანგზე თამაშობდა, მას მარტივად შეუძლია ორივე ფლანგიდან შეტევა.
წყარო:
standart