"მანჩესტერ იუნაიტედი" "ლილის" მეკარე მაიკ მაინანის კანდიდატურას განიხილავს, ვინაიდან დავიდ დე ხეას მომავალი ჯერ კიდევ ბუნდოვანია.
დე ხეას კონტრაქტი მომდევნო სეზონის ბოლოს იწურება და ესპანელი ახლის გაფორმებაზე უარს ამბობს, მიუხედავად იმისა, რომ მას ხელფასის სახით კვირაში 350 ათასი ფუნტი შესთავაზეს.
გამოცემის თანახმად, პრემიერ ლიგის კლუბი პოტენციური შემცვლელის ძიებაშია და "ლილს" მაინანის შესახებ დაეკონტაქტა.
ფრანგულმა კლუბმა კი "იუნაიტედს" აცნობა, რომ ფრანგი მეკარე 31 მლნ. ფუნტად იქნება ხელმისაწვდომი.
23 წლის მაინანმა მიმდინარე სეზონში "ლილის" შემადგენლობაში 42 მატჩი ჩაატარა და 17-ჯერ შეინახა კარი "მშრალად", რის შედეგადაც დიდიე დეშამის ნაკრებში პირველი მიწვევაც მიიღო. ფრანგ პროფესიონალ ფეხბურთელთა ლიგამ კი წლის საუკეთესო მეკარედ დაასახელა.
რაც შეეხება დე ხეას, მას თავის მხრივ საფრანგეთში, "პარი სენ-ჟერმენის" რიგებში ეპატიჟებიან.