იტალიური "სქაი" იტყობინება, რომ ტურინის "იუვენტუსი" "მანჩესტერ იუნაიტედიდან" პოლ პოგბას დაბრუნებას აპირებს.

იტალიის ჩემპიონები პოგბას აგენტ მინო რაიოლას უკვე დაუკავშირდნენ პოტენციური ტრანსფერის თაობაზე. "მანჩესტერ იუნაიტედს" კი პოგბასადმი "იუვენტუსის" ინტერესის შესახებ უკვე აცნობეს.

"ოლდ ტრაფორდზე" რეგულარული სათამაშო პრაქტიკის არქონის გამო 2012 წელს პოგბა სწორედ "იუვენტუსში" გადავიდა, სადაც ოთხი წარმატებული სეზონი გაატარა და 2016 წელს რეკორდული თანხის სანაცვლოდ "იუნაიტედში" დაბრუნდა.

ფრანგმა შერეული გამოცდილება მიიღო მანჩესტერში თავისი მეორედ ჩასვლის შემდეგ და 135 შეხვედრაში 31 გოლი გაიტანა.

2018 წლის მსოფლიო ჩემპიონატის გამარჯვებულს ჯერ კიდევ აკავშირებს ორი წელი "იუნაიტედთან", კლუბს კი შეთანხმების დამატებით 12 თვით გახანგრძლივების უფლება აქვს.

პოგბათი მადრიდის "რეალიც" ინტერესდება და ნახევარმცველმა ჭორებს კიდევ უფრო მეტი გასაქანი მისცა, როცა აპრილში განაცხადა, რომ "ბერნაბეუზე" თამაში ყველას ოცნება იყო.

წყარო: skysports