"პარი სენ-ჟერმენი" "მანჩესტერ იუნაიტედის" თავდამსხმელის, რომელუ ლუკაკუსთვის ბრძოლაში ჩაერთო.

ფრანგულ გრანდს თავდასხმის ხაზის სიძლიერის შენარჩუნება სურს და ბელგიელ ფორვარდს ედინსონ კავანის შემცვლელად მოიაზრებს, რომელიც მადრიდის "ატლეტიკოში" გადასვლას გეგმავს.

პსჟ-ს დიდი კონკურენცია შეხვდა პრემიერ ლიგის გუნდებისგან, თუმცა არა ლუკაკუს, არამედ "ლილის" საუკეთესო ფორვარდის, ნიკოლას პეპეს შეძენაში, ამიტომ ალტერნატიულ გეგმაზე წინასწარ მუშაობს კლუბის ხელმძღვანელობა.

შარშანდელი ცუდი სეზონის შემდეგ ლუკაკუს "ოლდ ტრაფორდის" დატოვებას უწინასწარმეტყველებენ და მისით ფრანგული კლუბის გარდა მილანის "ინტერიც" ინტერესდება, რომლის ახალ მთავარ მწვრთნელს ანტონიო კონტეს რომელუ ჯერ კიდევ "ჩელსიში" მუშაობისას სურდა.

მაგრამ გარდამტეხ მომენტად გვესახება ის, რომ მანჩესტერელები ლუკაკუს იაფად არ დათმობენ და ორი წლის წინ "ევერტონისთვის" გადახდილი 90 მლნ. ფუნტის დიდი ნაწილის უკან დაბრუნებას გეგმავენ.

"ინტერი" "იუნაიტედის" მოთხნოვილებებს ვერ აკმაყოფილებს, ხოლო პსჟ-სთვის იდეალური ვარიანტი მხოლოდ ნაკლების გადახდა იქნება, ვინაიდან მათზე ფინანსური ფეირ-პლეის რეგულაციები ვრცელდება.

თავის სავარაუდო წასვლაზე არაერთი მინიშნება გააკეთა ლუკაკუმაც და ასევე აღნიშნა, რომ სერია A არის ჩემპიონატი, სადაც თამაში სურს.

წყარო: express