რომელუ ლუკაკუს ტრანსფერი "ინტერში" ჩაშლის პირასაა, ვინაიდან იტალიურ კლუბს ფინანსური ფეირ-პლეის წესების დაცვის გამო მიზნის მიღწევაში ხელი ეშლება.

"ინტერის" ახალი მთავარი მწვრთნელი ანტონიო კონტე "მანჩესტერ იუნაიტედის" თავდამსხმელს მომდევნო სეზონისთვის თავის უმთავრეს სამიზნედ განიხილავს.

მაგრამ იტალიურ გრანდს უფლება არ ექნება, მასში მოთხოვნილი თანხა გადაიხადოს, თუკი "სან სიროს" მკვიდრები 30 ივნისამდე თავის ფინანსურ ანგარიშს სრულად და წესების დაცვით არ წარადგენენ.

ამ წესების თანახმად კი, მილანურ კლუბს 40 მლნ. ფუნტის ოდენობითი რღვევა აქვს ანგარიშში, რომელიც მიმდინარე თვის ბოლომდე უნდა დაიხუროს.

ამ მიზეზით კი მათ ერთ ან ორ ფეხბურთელთან განშორება მოუწევთ, რათა ბიუჯეტი შეავსონ და სანამ ეს მოხდება, ლუკაკუს ტრანსფერის ღირებულებასა და მის მიერ ყოველკვირეულად მოთხოვნილი ხელფასის გადახდას ვერ შეძლებენ.

"ინტერს" იმედი ჰქონდა, რომ "იუვენტუსთან" მიაღწევდა შეთანხმებას, რომლის თანახმადაც მაურო იკარდი ტურინში გადაბარგდებოდა, ხოლო საპირისპირო მხარეს პაულო დიბალა წავიდოდა.

ასეთი გაცვლით "ინტერს" მოაკლდებოდა იკარდის გიგანტური ხელფასი, რაც ანგარიშში დადებით ბალანსს შეიტანდა და ფინანსური ფეირ-პლეის წესების დარღვევაც არ მოხდებოდა, მაგრამ დიბალამ "ინტერის" რიგებში" გადასვლა არ ისურვა.

კონტეს ძალიან სურს იკარდის თავიდან მოშორება, ვინაიდან მიაჩნია, რომ მისი წარსული და მოედანს მიღმა წარმოქმნილი სირთულეები ჩრდილს აყენებს ფეხბურთელის ნიჭს.

არსებობს შესაძლებლობაც, რომ არგენტინელი ფორვარდი "იუნაიტედს" შესთავაზონ, სანაცვლოდ კი მოითხოვონ ლუკაკუ, რომელსაც ინგლისური კლუბი 75 მლნ. ფუნტად აფასებს.

მაგრამ იკარდის ჩრდილოვანი რეპუტაცია ამ შემთხვევაშიც ხელის შემშლელი ფაქტორი აღმოჩნდება, ვინაიდან "იუნაიტედს" მსგავსი შეთანხმება ხელს არ აძლევს.

ამიტომ "იუნაიტედი" ახლა ლოდინის თამაშს თამაშობს და ელოდება კონტეს ქმედებას, რაც ცხადყოფს, თუ რამდენად არის ბელგიელი ფეხბურთელით დაინტერესებული.

"ინტერი" 26 წლის ფეხბურთელში 60 მლნ. ფუნტზე მეტის გადახდას არ აპირებს, "იუნაიტედი" კი თავის მხრივ მოთხოვნილ თანხაზე ნაკლებად არ განშორდება ფეხბურთელს, ვინაიდან რომელუს მოქმედი კონტრაქტის მიხედვით 3 წელი აკავშირებს "წითლებთან". თუმცა, შესაბამისი წინადადების მიღების შემთხვევაში "ოლდ ტრაფორდის" მკვიდრები ბელგიელთან განშორებისთვის მზად არიან.

წყარო: thesun