"მანჩესტერ იუნაიტედის" ესპანელი კიპერის დავიდ დე ხეას კლუბიდან შესაძლო წასვლაზე თითქმის ყველა სპორტული გამოცემა სულ უფრო აქტიურად და ხშირად წერს.

სხვადასხვა წყაროებზე დაყრდნობით შეძლება იმის თქმა, რომ დავიდმა "წითლებს" აქტიური სატრანსფერო სამუშაოს შესრულებსკენ მოუწოდა, მას ტიტულებისთვის მებრძოლი გუნდის ხილვა სურს და არა ოთხულზე მიმართული "იუნაიტედი". აქამდე გავრცელებული ცნობებით, სწორედ ეს არის დე ხეას მოთხოვნა, ის მოთხოვნა რომლის გამოც შესაძლოა მან ინგლისი დატოვოს.

ედ ვუდვორდი კი თავის დაზღვევას ცდილობს, იტალიური პრესის მიერ გავრცელებული ინფორმაციით, გლეიზერების კლუბმა მეკარისთვის სატრანსფერო თანხა გაამზადა. 60 მილიონი ევრო - ეს ის თანხაა რომელსაც ინგლისური გრანდი "მანჩესტერ იუნაიტედი" ახალი კარის დარაჯის შეძენისათვის დახარჯავს.

რაც შეეხება სამიზნეს, ოლე გუნარ სოლსკიაერის სამიზნე გუნდიდან დავიდ დე ხეას წასვლის შემთხვევაში, "მილანის" ახალგაზრდა ნიჭიერი კიპერი ჯანლუიჯი დონარუმა იქნება.

ჯანლუიჯი ჯერ მხოლოდ 20 წლისაა, მიუხედავად ასაკის სიმცირისა მან სერია ა-ს ეგიდით ჩატარებულ 142 შეხვედრაში მიიღო მონაწილეობა, რაც თავის მხრივ კიპერის სანდოობაზე მიუთითებს.