"წითელი" ეშმაკების ყოფილი მცველი ფილ ნევილი აღიარებს, რომ "მანჩესტერ სიტი" ბევრად უკეთესი გუნდია, ვიდრე "მანჩესტერ იუნაიტედი".
სერ ალექს ფერგიუსონის დროს "წითელი ეშმაკები" ინგლისში ბატონობდნენ, თუმცა მისი წასვლის შემდეგ ყველაფერი შეიცვალა.
"ალბათ, ყველა კარგად ხედავთ, თუ რომელია საუკეთესო გუნდი თავისი ფილოსოფიითა და მიღწევებით ბოლო ხუთი წლის განმავლობაში."
"შეხედეთ "სიტის", "ლივერპულსა" და "ტოტენჰემს", ისინი მართლაც ძალიან ძლიერები არიან, სტაბილურად ძლიერები."
"მათ სულ სხვა სისტემა და სტილი აქვთ და ამ სტილს ბოლომე მიყვებიან. "იუნაიტედმა" კი გზა ვერ აირჩია და მუდმივად მწრთვნელების ცვლაშია."
"ვფიქრობ, რომ "იუნაიტედი" იმ გზას უნდა დაუბრუნდეს, რაც ყველაზე კარგად გამოსდიოდა - კონკრეტული სტილის არჩევა და სტაბილურად იმას მიყოლა."
"ახლა "წითლების" სათავეში ოლეა, ფელანთან, ქერიკსა და ბატთან ერთად და ვიმედოვნებ, რომ ისინი ნამდვილ "იუნაიტედს" დააბრუნებენ, რადგან უკვე დროა. "იუნაიტედს" ყველაფერი აქვს იმისთვის, რომ ძველ გზას დაუბრუნდეს."
"შეხედეთ "მანჩესტერ სიტის", ისინი ყველაფერს იგებენ და ამის ყურება მტანჯველია. რთულია, რადგან ფიქრობ, რომ "მანჩესტერ სიტი" ამ მომენტში გაცილებით უფრო უკანაა, ვიდრე - "იუნაიტედი", - განაცხადა ფილ ნევილმა.