"იუვენტუსის" ლეგენდის, ანდრეა პირლოს აზრით, "მანჩესტერ იუნაიტედის" ყოფილი ფეხბურთელი კრიშტიანო რონალდუ "ოლდ ტრაფორდზე" დაბრუნდება. მისი აზრით, ყველაფერი შეიძლება მოხდეს და, შესაბამისად, გულშემატკივარს არც რონალდუს "ოლდ ტრაფორდზე" ხილვა უნდა გაუკვირდეს.
"არ ვიცი ამაზე რა უნდა გითხრათ. მას "იუვენტუსთან" კიდევ ორი თუ სამი წელი აკავშირებს ამის შემდეგ კი ან ამერიკაში წავა, ან რომელიმე სხვა კლუბში."
"პირადად ჩემთვის ამერიკაში თამაში ძალიან დიდი გამოცდილება იყო და მიხარია, რომ ეს გამოწვევა მივიღე."
"სიმართლე რომ გითხრათ, ძალიან გამიკვირდა, როცა რონალდუ "იუვენტუსში" გადმოვიდა, მაგრამ ვფიქრობ, რომ იტალიის ჩემპიონატისთვის ის მნიშვნელოვანი შენაძენია."
"ის ლიგას და გუნდებს აძლიერებს და აუმჯობესებს. ეს ქვეყნისთვის ძალიან მნიშვნელოვანია. იმედი მაქვს, რომ მის მაგალითს კიდევ ბევრი დიდი ფეხბურთელი გაჰყვება."
"ფეხბურთში არაფერია გასაკვირი. შესაბამისად, არ გამოვრიცხავ, რომ ის ერთ დღეს "ოლდ ტრაფორდს" დაუბრუნდეს," - განაცხადა ანდრეა პირლომ.