გასულ ზაფხულში ინგლისელი ახალგაზრდის შეძენას "იუნაიტედის" ყოფილი მწრთვნელი ჟოზე მოურინიო ცდილობდა, თუმცა "იუნაიტედმა" მცველის სანაცვლოდ 75 მილიონი ფუნტის გადახდა არ ისურვა. "ვფიქრობ, რომ "რეალ მადრიდშიც" დიდი ცვლილებები გველის, ისევე როგორც "მანჩესტერ იუნაიტედში". ისინი აუცილებლდ ეცდებიან, რომ საუკეთესო ფეხბურთელები გადაიბირონ, მაგრამ მათი დამარცხება უნდა შევძლოთ."
"დღევანდელი მდგომარეობით, "იუნაიტედს" დაცვის ცენტრის გაძლიერება სჭირდება და ისეთი ფეხბურთელი უნდა შეიძინონ, როგორიც მაგალითად ვინსენტ კომპანი ან ტონი ადამსია."
"მართლა ვფიქრობ, რომ მათ ბრიტანული მენტალობა უნდა შეინარჩუნონ და ეცადონ ახალგაზრდა ბრიტანელი ფეხბურთელების შეძენას და შექმნან ბრიტანული გუნდი."
"იქიდან გამომდინარე, რომ "იუნაიტედს" დაცვის ცენტრში პრობლემა აქვს და გაძლიერებას სწორედ ბრიტანელი ფეხბურთელებბით უნდა ეცადოს, ასეთად კი სწორედ ჰარი მაგუირი მიმაჩნია. ის დიდებული ლიდერული უნარ-ჩვევებითაა დაჯილდოებული და სიტუაციის დამშვიდება შეუძლია. ძალიან ჰგავს რიოს, მასავით თავდაჭერილია ბურთთან და თავსაც კარგად იცავს. ჩემი აზრით, დაცვის ხაზის გაძლიერება მისით უნდა დავიწყოთ," - განაცხადა შერინგემმა.