ბელგიელი მცველი "ტოტენჰემში" ბოლო წელს ატარებს. შესაბამისად, მის მომავალს ბევრ სხვადასხვა კლუბს უკავშირებენ.
ტობი ალდერვეირელდის მომავალს დიდი ხანია "მანჩესტერ იუნაიტედს" უკავშირებენ. როგორც პრესა იუწყება, "წითლები" მზად არიან, რომ კონტრაქტის დარღვევის თანხა, 25 მილიონი ფუნტი გადაიხადონ, თუმცა როგორც ჩანს თავად ტობი მომავალ სეზონში "ტოტენჰემის" დატოვებას არ აპირებს და ჩრდილოეთ ლონდონში დარჩება.
"მე ისევ იმავეს ვიტყვი, რასაც ბოლო წლების განმავლობაში ვამბობ. ჩემი ერთადერთი მიზანი ახლა "ტოტენჰემია" და მეტი არაფერი. მე მხოლოდ "ტოტენჰემზე" ვარ კონცენტრირებული და ვფიქრობ, რომ სწორედ ეს დამეხმარა ძალიან კარგი სეზონის ჩატარებაში."
"მე კონტრაქტით "ტოტენჰემთან" კიდევ ერთი წელი მაკავშირებს და ამ ერთ წელს აუცილებლად აქ გავატარებ. ჩემს გონებაში მხოლოდ ეს გუნდია," - აცხადებს 30 წლის ცენტრალური მცველი.
"მანჩესტერ იუნაიტედმა" კიდევ ერთი ცენტრალური მცველის შეძენა ვერ შეძლო. ოლე გუნარ სოლსკიაერისთვის კი ეს პოზიცია საზაფხულო ტრანსფერების ერთ-ერთ მთავარ სამიზნეს წარმოადგენს.