"წითელი ეშმაკები" საზაფხულო ტრანსფერების დაწყებას უელსელი ფეხბუთელის დანიელ ჯეიმსის შეძენით ცდილობდნენ. "იუნაიტედი" სასურველ ტრანსფერთან ძალიან ახლოს იყო, მაგრამ "სუონსიმ" განაცხადა, რომ მიმდინარე ტრანსფერებზე ბევრი ფეხბურთელის გაშვებას არ აპირებს.
"სუონსის" აღმასრულებელმა დირექტორმა ტრევორ ბირჩმა სწორედ ტრანსფერების შესახებ ისაუბრა და განაცხადა, რომ მისი აზრით კლუბს ბევრი ფეხბურთელი არ დატოვებს.
"ბევრი ტრანსფერი არ განხორციელდება და კლუბს ბევრი ფეხბურთელი არ დატოვებს. თუ ჯეიმსი წავა, მაშინ მაქსიმუმ ერთი ან ორი ფეხბურთელი დაგვტოვებს, ზუსტად ვერაფერს გეტყვით. მაგრამ დანამდვილებით განგიცხადებთ, რომ ბევრი ფეხბურთელის გადინებას ადგილი არ ექნება."
"ჩვენ ფეხბურთელებს ასე უბრალოდ ვერ გავუშვებთ. გვესმის მათი ფასი და ღირებულება და ყველაფერი კარგად გვაქვს გააზრებული."
"ჩვენ ყველანაირად ვეცდებით ჩვენი ფეხბურთელების შენარჩუნებას. ისიც კარგად გვაქვს გააზრებული, რომ სახარბიელო მდგომარეობაში არ ვართ, თუმცა ეს არაფერს წყვეტს," - განაცხადა კლუბის აღმასრულებელმა დირექტორმა.