პაულო დიბალამ თავისი ძმის კომენტარს უპასუხა იმის თაობაზე, რომ მას ტურინის დატოვება და სხვა კლუბში თამაში სურს.
არგენტინულ რადიოსთან საუბრისას გუსტავო დიბალამ განაცხადა: "არსებობს კარგი შანსი იმისა, რომ კლუბი დატოვოს... მას ცვლილებები სჭირდება".
გუსტავომ ასევე განაცხადა, რომ დიბალას შესაძლო წასვლის ერთ-ერთი მიზეზი კრიშტიანუ რონალდუც იყო, ვის გამოც არგენტინელს მოედანზე ფუნქციები შეეზღუდა.
თუმცა, თავად ფეხბურთელი უარყოფს ყოველგვარ ჭორს წასვლის თაობაზე და ამბობს, რომ "იუვენტუსის" სპორტულმა დირექტორმა ფაბიო პარატიჩიმ იცის, თუ რა სურს მას.
"ჩემმა ძმამ თავის მხრივ ილაპარაკა. პარატიჩიმ იცის, რა მსურს სამომავლოდ - აქ თამაში.
პარატიჩისთვის ცნობილია, რომ კარიერის აქ გაგრძელებას ვაპირებ. დანარჩენი კი ჩემზე არ არის დამოკიდებული. "იუვენტუსმა" უნდა აირჩიოს, ვინ მოვა აქ მთავარ მწვრთნელად. მაგრამ საზოგადოებამ იცის - მომდევნო სეზონში დარჩენა მსურს.
უდიდეს პატივს ვცემ ამ მაისურსა და გულშემატკივრებს და ამიტომ მხოლოდ "იუვენტუსის" შესახებ ვილაპარაკებ და არა სხვა კლუბებზე, რადგან ეს უპატივცემულობა იქნებოდა", - განაცხადა დიბალამ.
არგენტინელის შეძენით "მანჩესტერ იუნაიტედი" ინტერესდება და ამისთვის ღონისძიებებიც გაატარა, თუმცა ჯერჯერობით წარუმატებლად.