"არწივები" მარჯვენა მცველში 70 მილიონ ფუნტს ითხოვენ.
"კრისტალ პალასი" აარონ ვან-ბისაკასთვის 70 მილიონ ფუნტს ითხოვს. "მანჩესტერ იუნაიტედმა" მცველისადმი ინტერესი დაადასტურა და სწორედ ამიტომაც, "კრისტალ პალასმა" თანხის გაზრდა გადაწყვიტა.
თავდაპირველად "წითლებმა" აარონ ვან-ბისაკასთვის 25 მილიონი ფუნტი გამოყვეს, ხოლო შემდეგ "იუნაიტედი" იმედოვნებდა, რომ ვან-ბისაკას შესაძენად 40 მილიონი ფუნტი საკმარისი იქნებოდა.
მაგრამ "იუნაიტედის" ყველა მოლოდინი ფუჭი აღმოჩნდა, რადგან "კრისტალ პალასი" 70 მილიონ ფუნტზე ნაკლებად ვან-ბისაკას გაყიდვას არ აპირებს.
ვან-ბისაკას "არწივებთან" კონტრაქტი 2022 წლამდე აკავშირებს. მასზე ფასის დადების შემდეგ კი "იუნაიტედს" ინტერესი აღარ გამოუჩენია, თუმცა როგორც სხვადასხვა წყარო იტყობინება, მარჯვენა მცველი ოლე გუნარის ერთ-ერთ მთავარ მიზანს წარმაოდგენს. ის სწორედ ისეთი ფეხბურთელია, როგორიც ოლე გუნარს სჭირდება, ახალგაზრდა, ბრიტანელი და ნიჭიერი, რომელსაც თავისი კარიერის მთავარი ერა ჯერ კიდევ წინ აქვს.
დათანხმდება თუ არა "იუნაიტედი" "კრისტალ პალასს", ჯერჯერობით უცნობია, მაგრამ ფაქტია, რომ "წითლებს" აღნიშნული ფასის შემდეგ შეთავაზება აღარ გაუკეთებიათ.
წყარო:
Mirror