"მანჩესტერ იუნაიტედის" მწრთვნელა ოლე გუნარ სოლსკიაერმა განაცხადა, რომ მოუთმენლად ელის 2019/20 წლების სეზონის დაწყებას.
თუმცა მანამდე ოლეს ცხელი ზაფხული ელის და ნორვეგიელის განცხადებით, მისთვის წინასასეზონო სამზადისიც ძალიან საინტერესო და ამაღელვებელია, რადგან ფიქრობს, რომ ეს გუნდზე დიდ გავლენას მოახდენს.
"მე აქ უკვე ხუთ თვეზე მეტი დავყავი, მაგრამ ხანდახან ენერგია სწორედ მაშინ გემატება, როცა პრობლემა უშუალოდ შენ გეხება და გინდა, რომ გამოასწორო."
"მეტი ენერგია გაქვს, რადგან ერთი სული გაქვს, რომ დაბრუნდე, როგორც უკეთესი გუნდი და როგორც უკეთესი მწრთვნელი, რათა ფეხბურთელებს გაუმჯობესებასა და უკეთ თამაშში დაეხმარო. ძალიან სასიამოვნოა გამარჯვება, არ მინდა, რომ არასწორად გაიგოთ ჩემი ნათქვამი. მაგრამ როდესაც ისეთი სეზონი გაქვს, როგორიც ჩვენ გვქონდა, ვფიქრობ, რომ ყველას კლავს სურვილი იმის დანახების, თუ რა შეუძლიათ, რადგან ისინი ამაყი ფეხბურთელები არიან და მათ ამაყი მწრთვნელები ჰყავთ."
"გასული სეზონის შესახებ ვერ დავივიწყებთ. ჩვენი შეცდომებიდან უნდა ვისწავლოთ და უფრო მეტი ისწავლო იქიდან, რაც სწორად გააკეთე. პირველი ივლისიც მოვა და ჩვენ მზად ვიქნებით, პატიებას ვერაფრის გამო მოვითხოვთ."
"ყველამ კარგად იცის, რომ ფეხბურთში შესვენება არ არსებობს. ამაზე ყოველთვის ფიქრობ. მართალია, რომ ახლა სახლში დავბრუნდი და წესით ოჯახთან ერთად უნდა ვისვენებდე, მაგრამ ყოველ წუთს მაინც თამაშებზე ვფიქრობ და ყველაფრის გაანალიზებას ვცდილობ. რა გავაკეთეთ არასწორად, რა გავაკეთედ სწორად."
"ესეთი ვარ. ეს მმატებს ენერგიას, ფეხბურთელებთან ერთად მუშაობა და იმაზე ფიქრი, თუ როგორ გავაუმჯობესო ისინი დამთლიანად გუნდი, თუ როგორ ვიყოთ მზად მომავალი სეზონისთვის. სწორედ ეს არის ჩვენი ცხოვრების სტილი და ისიც, რასაც ვაკეთებთ. მაგრამ, რა თქმა უნდა, სხვა რამეებისგან ნამდვილად ვისვენებ. სახლში ყოფნა ჩემთვის მოდუნებას და რელაქსაციას ნიშნავს." "მაგრამ არ მინდა, რომ ამ სამყაროს მთლიანად გამოვეთიშო. შემიძლია, რომ ხანდახან ტელეფონით გავთიშო, მაგრამ ტვინის გამოთიშვას არ ვაპირებ. შესაძლოა, რომ გავიდეს ერთი ან მაქსიმუმ ორი დღე ამაზე დაუფიქრებლად, რა თქმა უნდა, ეს ბუნებრივია. მაგრამ ძირითადად გამუდმებით ამ ყველაფერზე ვფიქრობ," - განაცხადა ოლე გუნარ სოლსკიაერმა.