ჰოლანდიელი ფორვარდი "ოლდ ტრაფორდზე" ჩრდილოეთ ლონდონიდან, კერძოდ, "არსენალიდან" 2012 წელს გადაბარგდა.
რობინ ვან პერსიმ "არსენალს" დატოვებისთვის მოუბოდიშა, თუმცა ჰოლანდიელის განცხადებით, ის "ოლდ ტრაფორდზე" გადაბარგებას არ ნანობს.
"რა თქმა უნდა, "არსენალის" გულშემატკივრები ჩემზე ძალიან ბრაზდებიან. მე კაპიტანი ვიყავი და ბოლო სამი წლის განმავლობაში მათი ბომბარდირიც. მაგრამ ხანდახან გრძნობ, რომ ცვლილება და გამოწვევა გჭირდება. რაღაც ახალი, სრულიად ახალი თავგადასავალი."
"თუ ხალხს გული ვატკინე, ბოდიში, მაგრამ ასეთი ვარ. მივიღე გადაწყვეტილება, რომელსაც ახლა არ ვნანობ, მაგრამ ეს იმას არ ნიშნავს, რომ "არსენალი" ჩემს მოგონებებში ნეგატიურად რჩება."
"როდესაც ასეთ გადაწყვეტილებებს იღებ, რა თქმა უნდა, ყველა ბედნიერი ვერ იქნება. მე უბრალოდ საკუთარი თავი უნდა ვიყო და ვაკეთო ის, რაც ბედნიერს გამხდის, ჩემი გადაწყვეტილებები ვაკეთო და მერე შედეგებზე პასუხიც ვაგო, რადგან ეს ჩემი ცხოვრებაა."
"ღმერთს მადლობას ვუხდი იმისთვის, რომ ლიგა ისეთ დიდებულ კლუბში მოვიგე, როგორიც "მანჩესტერ იუნაიტედია" და უდიდესი ისტორიის ნაწილი გავხდი," - განაცხადა რობინ ვან პერსიმ.