"მანჩესტერ იუნაიტედი" დიდი ხანია, რაც "აიაქსის" ვარსკვლავის მათიას დე ლიხტის შეძენას ცდილობს.
როგორც "Metro" აცხადებს, დე ლიხტმა "იუნაიტედის" პირველ შეთავაზებაზე უარი განაცხადა. "აიაქსის" მცველს "წითლები" სეზონში 14 მილიონ ევროს, ანუ 12,3 მილიონ ფუნს სთავაზობდნენ.
თუმცა "იუნაიტედი" დანებებას არ აპირებს. "წითლებმა" ორი კვირის წინ ახალი შეთავახება გაამზადეს და დე ლიხტს სულ მალე გაუმჯობესებულ კონტრაქტს შესთავაზებენ.
ოლე გუნარმა არაერთხელ განაცხადა, რომ დაცვის ხაზს სერიოზული პრობლემა აქვს და მას გაძლიერება სჭირდება. დე ლიხტი კი შესანიშნავი ვარიანტია "წითლების" პრობლემის მოსაგვარებლად.
გამომდინარე იქიდან, რომ "იუნაიტედი" მზადაა დე ლიხტი ნებისმიერ ფასად გადაიბიროს, ახალგაზრდა მცველს "ოლდ ტრაფორდზე" სულ მალე იხილავთ.