ოლე გუნარ სოლსკიაერმა უკვე განაცხადა, რომ "იუნაიტედს" მაღალი დონის ფეხბურთელების გადაბირება არ გაუჭირდება, რადგან ეს კლუბი მსოფლიოში საუკეთესოა. იგივეს ფიქრობს რომელუ ლუკაკუს აგენტიც, რომელსაც სჯერა, რომ "იუნაიტედს" ჩემპიონთა ლიგის გარეშეც შეუძლია გასაოცარი სეზონის ჩატარება.
"ვფიქრობ, რომ "მანჩესტერ იუნაიტედისთვის" მიმდინარე სატრანსფერო ფანჯარა ძალიან მომგებიანი და წარმატებული იქნება."
"მისტერ ვუდვორდს ბევრი მუშაობა მოუწევს, მაგრამ დარწმუნებული ვარ, რომ ისინი უმაღლესი დონის ფეხბურთელების გადმობირებას შეძლებენ, რადგან ეს კლუბი ბრწყინვალეა და ის უბრალოდ საუკეთესოა მთელს მსოფლიოში."
ლუკაკუ შეიძლება, ერთ-ერთი აღმოჩნდეს, რომელიც "ოლდ ტრაფორდზე" დიდ წმენდას შეეწირება. ბელგიელის მომავალს იტალიას უკავშირებენ, თუმცა "იუნაიტედი" ფორვარდში 75 მილიონ ფუნტს ითხოვს. "სერია ა-ში თამაში ნამდვილი ოცნებასავითაა. იმედი მაქვს, რომ ადრე თუ გვიან იტალიაში თამაშს შევძლებ, თუმცა ახლა მთლიანად "იუნაიტედზე" ვარ კონცენტრირებული," - აცხადებს რომელუ ლუკაკუ.