მარკუს როხომ განაცხადა, რომ ამ მომენტისთვის სახლში დაბრუნებას არ გეგმავს, მაგრამ მისი კარიერის ბოლო ეტაპს პირველ გუნდს უკავშირებს.

მცველმა განაცხადა, რომ "ესტუდიანტესი" მის მომავალ გეგმებში შედის. ახლა კი "იუნაიტედის" მცველს "ოლდ ტრაფორდის" დატოვებას უწინასწარმეტყველებენ.

"გამიხარდება, თუ იქ თამაშს ისევ შევძლებ," - განაცხადა როხომ.

ის, თუ როდის დაბრუნდება არგენტინელი "ესტუდიანტესში", დროის საკითხია, თუმცა აშკარაა, რომ არგენტინელს დაბრუნება სურს.

2018-2019 წლების სეზონში როხომ მხოლოდ ექვსი მატჩი ჩაატარა. არგენტინელს ტრავმები მუდმივად სტანჯავდა და, შესაბამისად, ვერც მოედანზე ახერხებდა დროის გატარებას.

საერთო ჯამში, არგენტინელმა "იუნაიტედში" 100-ზე მეტი მატჩი ჩაატარა, ხოლო არგენტინის მაისურით - 59.


წყარო: Goal.com