სხვადასხვა წყაროს მიხედვით, გარეთ ბეილი "რეალ მადრიდს" სეზონის ბოლოს დატოვებს. ზინედინ ზიდანის განცხადებით, ის ბეილს მაშინაც კი არ დააყენებს შემადგენლობაში, თუ მისი ძირითადის სამი ფეხბურთელი ტრავმირებული იქნება.

თუმცა როგორც პრესა იტყობინება, გარეთ ბეილი ვერც "ოლდ ტრაფორდზე" მოახერხებს გადაბარგებას, რადგან "იუნაიტედის" ინტერესთა სიაში ის ბოლო ადგილებს იკავებს.

"მე ვერანაირ კომენტარს ვერ გავაკეთებ ვერც ბეილზე და ვერც რომელიმე სხვა ფეხბურთელზე, რადგან ამ მომენტისთვის ისინი სხვა კლუბს ეკუთვნიან. ერთადერთი, რაც შემიძლია გითხრათ არის ის, რომ ჩვენ აუცილებლად შევიძენთ მაღალი დონის ფეხბურთელებს და გუნდს გავაძლიერებთ."

"ძალიან ბევრი ფაქტორის გათვალისწინება მოგვიწევს და ყველაფერზე კომპლექსურად უნდა ვიფიქროთ. ვნახოთ, რა მოხდება," - განაცხადა სოლსკიაერმა მარტში.

"იუნაიტედი" ძირითადად ახალგაზრდა ფეხბურთელების შეძენას ეცდება, თუმცა როგორც სხვადასხვა წყაროდან ხდება ცნობილი "წითლები" ერთი გამოცდილი ფორვარდის დამატებასაც ეცდებიან.


წყარო: M.E.N.