"მანჩესტერ იუნაიტედი" ხუან მატაზე არ ნებდება. ხელმძღვანელობა იმედოვნებს, რომ ესპანელის შენარჩუნებას მოახერხებს და მატა "ოლდ ტრაფორდზე" კიდევ დიდ ხანს დარჩება.
ესპანელ ნახევარმცველს კონტრაქტი 30 ივნისს ეწურება. მისით ინგლისური, იტალიური და ესპანური კლუბები ინტერესდებიან.
მას "იუნაიტედისგანაც" აქვს შეთავაზება და ოლე გუნარი იმედოვნებს, რომ 31 წლის ნახევარმცველის შენარჩუნებას მოახერხებს.
"იუნაიტედმა" ანდერ ერერა უკვე დაკარგა, რადგან ესპანელთან ახალ კონტრაქტზე მორიგება ევრ მოხერხდა. როგორც პრესა იტყობინება, ნახევარმცველი პსჟ-ში განაგრძობს ასპარეზობას.
"ოლდ ტრაფორდი" უკვე დატოვა "იუნაიტედის" კაპიტანმაც, ანტონიო ვალენსიამ, რომელთანაც კლუბმა ერთწლიანი გახანგრძლივების შანსი არ გამოიყენა.