"მანჩესტერ იუნაიტედის" ყოფილი მწრთვნელი სერ ალექს ფერგიუსონი "ოლდ ტრაფორდზე" კვირა შუადღეს დაბრუნდება. სერ ალექსი კლუბს "ბაიერნ მიუნხენის" წინააღმდეგ გაწრთვნის.
სერ ალექსის ბიჭებიდან ბევრი ვარსკვლავი მოედანზე ისევ დაბრუნდება. საღამოს შემსული თანხები კი მთლიანად "მანჩესტერ იუნაიტედის" საქველმოქმედო ფონდში გადაირიცხება. "სერ ალექსი ამ კლუბის ღმერთია. იმას, რასაც მან მიაღწია ვერასდროს ვერავინ მიაღწევს. მან ძალიან დიდი ხანი დაჰყო "ოლდ ტრაფორდზე" და თანაც დიდი რაოდენობის ტიტულები მოიგო."
"დიდებულია, რომ ის "ოლდ ტრაფორდზე" მწრთვნელის რანგში ბრუნდება. "ოცნების თეატრში" ნამდვილი ზეიმი გველის," - აცხადებს "იუნაიტედის" ლეგენდა ნიკი ბატი. "ის, რაც მან შეგვძინა არა მარტო როგორც ფეხბურთელებს, არამედ როგორც ადამიანებს უბრალოდ შეუფასებელია."
"ფეხბურთის მხრივ მან ჩვენ უამრავი შანსი მოგვცა და "მანჩესტერ იუნაიტედის" ვარსკვლავებად გვაქცია, მაგრამ, როგორც უკვე აღვნიშნე, მან ჩვენ როგორც ადამიანებსაც ძალიან ბევრი რამ შეგვძინა. გაცილებით უფრო შრომისუნარიანები, ვნებიანები გავხდით. კაცებად გვაქცია და ეს ფეხბურთი ბოლომდე შეგვაყვარა."
"დააკვირდით, გადახედეთ მისმა რამდენმა მოთამაშემ დაუკავშირა მისი ცხოვრება ფეხბურთს სამუდამოდ. შეხედეთ, როგორ ყალიბდებიან ისინი დიდებულ მწრთვნელებად."
"ძალიან სასიამოვნო იქნება ბიჭებთან შეხვედრა. ბევრს ვიცინებთ, ძველ დროს გავიხსენებთ და ჩვენი ცხოვრების საუკეთესო წლებსა და მომენტებს გავიხსენებთ."
"ყველაზე მნიშვნელოვანი კი ისაა, რომ ამ დღით ჩვენ "მანჩესტერ იუნაიტედის საქველმოქმედო ფონდს" დავეხმარებით და ყველა ვიქნებით ამაში ჩართულები," - დაასრულა ბატმა.