მარკუს რეშფორდს სურს, რომ "იუნაიტედი" თავის სათამაშო სტილს დაუბრუნდეს. შეგახსენებთ, რომ "წითლებმა" სეზონი მეექვსე ადგილზე დაასრულეს, რაც ყველასთვის სამწუხარო აღმოჩნდა.

ჟოზე მოურინიოს წასვლის შემდეგ "იუნაიტედი" უკეთ გამოიყურებოდა. ოლე გუნარმა პირველი 17 მატჩიდან გამარჯვების მოპოვება 14-ში მოახერხა. ამ შედეგებიდან გამომდინარე, გუნდსა და გულშემატკივარს იმედი გაუჩნდა, რომ ოთხეულში შესვლას შეძლებდა, თუმცა ცოტა ხნის შემდეგ კლუბმა ბოლო 12 მატჩში მხოლოდ ორი გამარჯვების მოპოვება მოახერხა. ბოლო ექვს მატჩში კი საერთოდ ვერ მოიპოვა გამარჯვება.

რეშფორდმა სოციალურ ქსელში პოსტი გამოაქვეყნა, სადაც შექმნილ ვითარებასა და დაბრუნებაზე ისაუბრა.

"შემდეგ სეზონში "მანჩესტერ იუნაიტედი" "მანჩესტერ იუნაიტედს" უნდა დაემსგავსოს და უნდა ვითამაშოთ ისე, როგორც ამ კლუბს ჩვევია. ეს ჩემთვის ძალიან მნიშვნელოვანია."

"ჩვენ საკუთარ თავში საკმარისი სურვილები უნდა აღმოვაჩინოთ და პასუხი ყველას პირველივე მატჩიდან უნდა გავცეთ."

ბოლო მატჩებში ბევრმა ფებხურთელმა ვერ შეასრულა დაკისრებული მოვალეობა ისე, როგორც ეს საჭირო იყო. ოლე გუნარი კი ზაფხულში "დიდ წმენდას" გვპირდება.


წყარო: SkySports