სატრანსფერო ფანჯარა დღეს იხსნება და "მანჩესტერ იუნაიტედი" აქტიურად ჩაერთვება საზაფხულო ტრანსფერების პოლიტიკაში.
კითხვა, რომელიც ყველა გულშემატკივარს აწუხებს არის ის, თუ როგორ ფეხბურთელს შეიძენს ოლე გუნარ სოლსკიაერი, ვინ იქნება მისთვის პრიორიტეტი.
თუმცა ოლე გუნარი იმ ფეხბურთელების შესახებ, რომელთა შეძენაც სურს ხმამაღლა საუბარს არ აპირებს. "მთავარი, რისკენაც ამ გუნდში ყოველთვის მივიწევდით იყო ის, რომ ჩვენი ბავშვები შესაბამის პიროვნებებად გაგვეზარდა. ჩემს დროს, საუკეთესო ფეხბურთელები საუკეთესო ადამიანებიც იყვნენ."
"შეფასების ეს სისტემა აუცილებელია. განსხვავებული პიროვნება უნდა იყო განსხვავებული განწყობით, რათა "მანჩესტერ იუნაიტედის" ფეხბურთელად იქცე."
"ამასთანავე განსხვავებული შესაძლებლობებიც უნდა გქონდეს, რათა ჩვენი განსაკუთრებული გულშემატკივრების აღფრთოვანებაც შეძლო. გვინდა, რომ მათ ადგილზე დაჯდომის საშუალება არ ჰქონდეთ და აღტაცებისგან ყოველთვის ფეხზე წამოიჭრან. გვჭირდება მცველები, რომლებიც კარს ისე დაიცავენ, თითქოს ეს მათ ცხოვრებას წყვეტს. ეს ძალიან, ძალიან მნიშვნელოვანია"
"ეს არის ჩვენი კულტურის ნაწილი. სამუშაოს ეს ეთიკა უნდა გქონდეს და ყველაფერს ვაკეთებთ, რათა სწორი ადამიანები და ფეხბურთელები შევიძინოთ ამ ტრანსფერებზე," - განაცხადა ოლე გუნარმა.