სეზონის ბოლოს ოლე გუნარ სოლსკიაერმა "იუნაიტედის" ოფიციალურ ვებსაიტს ინტერვიუ მისცა, სადაც მისი პირველი ექვსი თვის შესახებ ისაუბრა. სანამ ინტერვიუს მეორე ნაწილს სრულად შემოგთავაზებთ ქვემოთ იხილეთ ცხრა ციტატა ოლეს მოცულობითი ინტერვიუდან.
"ძალიან ბევრს სწავლობ, როცა რთული მომენტების გადალახვა გიწევს და ფიქრობ ვის გარშემო შეგვიძლია გუნდის აშენება, ვინ იმსახურებს შემდეგ ეტაპზე გადასვლას."
"ჯერ კიდევ ადრეულ კარიერაში ვისწავლე, რომ მალე განვაგრძო სვლა. თუ ამაზე ფიქრში ხუთი წლის დახარჯვას აპირებთ, ეს თქვენი ნებაა, მაგრამ მე გაგრძელებას ვაპირებ."
"გულშემატკივრებმა ძალიან კარგად იციან ფეხბურთი და იციან, რომ ტიტულს ასე უბრალოდ ვერ იყიდი. ეს უნდა გამოიმუშავო სისხლისა და ოფლის ფასად. ისინი გვერდში გვდიდგანან და ჩვენ ისინი ძალიან გვჭირდებიან."
"პირველი რამდენიმე კვირის განმავლობაში დილას 7:30 საათზე უკვე მანქანას ვაყენებდი და ვფიქრობდი, რომ ადრე მივედი, მაგრამ როგორც კი შევედი აღმოვაჩინე, რომ მაიკლი, კიერანი და დემფსი დიდი ხნის მისულები იყვნენ!"
"ქერიკი, მაკკენი, დემფსი, ისინი ყველა დარჩებიან. ვფიქრობ, ისინი მნიშვნელოვან როლს თამაშობენ გუნდის განვითარებაში. ისინი ბრწყინვალე მწრთვნელები არიან."
"ის საოცარი ბიჭია! მგონი, ბიჭი არასწორი სიტყვაა, რადგან ის ჩემზე ბევრად უფროსია! მიკის ზედამხედველობის ქვეშ მითამაშია და ახლა ერთადაც ვმუშაობთ და ის ჩემთვის ძალიან მნიშვნელოვანი ძალაა."
"ჩვენ მსოფლიოს საუკეთესო გუნდებს ვეთამაშებით. ეს ის გამოწვევაა, რომელსაც მარტივად ვერავინ უპასუხებს. ეს კლუბისთვის დიდებული გამოწვევაა. ეს კლუბი უდიდესი და საუკეთესო კლუბია მსოფლიოში და ამას ყველა დაინახავს."
"მე ყოველთვის ოპტიმისტი ვიყავი. ფორვარდი ვალდებულია, რომ ოპტიმისტი იყოს. მცველები და მეკარეები პესიმისტები უნდა იყვნენ. მე ყოველთვის ჩემს შანსებსა და გოლების გატანის შესაძლებლობებზე ვფიქრობდი."
"რვა წლის განმავლობაში, ყოველთვის, როცა სახლში ვბრუნდებოდი გულშემატკივრები ჩემთვის მღეროდნენ. შვილებს ვუბრუნდებოდი და ვეუბნებოდი: "უსმინეთ, მამათქვენზე მღერიან". მაგრამ ბავშვები არ მღერიან, არა, მგონი მათ ყელში ამოუვიდათ! (იცინის)."
ინტერვიუები
5 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.