ანდერ ერერამ წასვლის შემდეგ ოლე გუნარ სოლსკაიერი გააფრთხილა. მისი განცხადებით, ნორვეგიელს წინ ძალიან მძიმე და რთული დღეები ელის და "მანჩესტერ იუნაიტედის" თავიდან შექმნა მარტივი პროცედურა ნამდვილად არ იქნება.
"მე მართლა მჯერა ოლესი, მაგრამ ვფიქრობ, რომ წინ ძალიან რთული და მძიმე დღეები ელის. მისი საქმე არც თუ ისე მარტივია. ეს მხოლოდ ჩემი აზრია, ჩემი, როგორც გულშემატკივრის აზრი და ვიღაცის, რომელიც ამ მომენტისთვის "იუნაიტედს" ძალიან კარგად იცნობს."
"ამ კლუბის გულშემატკივრები საუკეთესოები არიან. ისინი უბრალოდ ბრწყინვალები გახლავთ, მაგრამ მათ უნდა იცოდნენ, რომ ამ ყველაფერს დრო სჭირდება. პირველივე დღიდან ძველ "იუნაიტედს" ვერ მიიღებთ. კლუბს დრო სჭირდება, თავდაჯერება და გვერდში დგომა."
"მჯერა, რომ ისინი ამ გუნდისთვის ყველაფერს გაიღებენ, მაგრამ ერთადერთი, რასაც მე მათ ვთხოვ დრო და მოთმინებაა, რადგან ეს ყველაფერი მარტივი არ იქნება."
"სათავეში სწორი ადამიანი დგას. ის ნამდვილად სწორი არჩევანია და ეს ყველამ უნდა იცოდეს."