ოლე გუნარი გუშინდელი მატჩის შემდეგ გულშემატკივრების გვერდში დგომით გაოგნებულია. მიუხედავად "წითლების" საშინელი მატჩებისა, გულშემატკივარს ერთი წუთითაც არ შეუწყვიტავს სიმღერა და ფეხბურთელებს ბოლომდე დაანახეს, რომ ისინი ბოლომდე მათთან იქნებიან.
"ჩვენ არ ვართ კლუბი, რომელიც მეექვსე ადგილზე უნდა იყოს. სამწუხაროდ, სწორედ აქ ვართ ამ მომენტისთვის, მაგრამ ჩვენ მზად ვართ ამისთვის, და როგორც დღეს დაინახეთ გულშემატკივრებიც მზად არიან."
"ცოტათი დამაბნეველი იყო, როცა მოედანზე გავედი და გულშემატკივრები მაინც ასე გვედნენ მხარში. სწორედ ეს არის ამ კლუბის უდიდესი ისტორია და ის, რაზეც დევს ეს კლუბი. ჩვენ ისევ დაბრუნდებით, აუცილებლად დავბრუნდებით."
"წინასწარ არასდროს იცი რომელ ადგილზე დაასრულებ თამაშს, მაგრამ მეექვსე ადგილს ნამდვილად არ ელოდები. აქ ბევრი ფაქტორია, დალაგებული გუნდი, დალაგებული სისტემა, დალაგებული ფეხბურთელები..."
"გვყავს კარგი ფეხბურთელები, რომლებსაც რთული სეზონი ჰქონდათ. ბევრი სხვადასხვა მიზეზია იმისა, თუ რატომ არ გვქონდა ბოლო წლებში კარგი სეზონები. შეიძლება მათი ბრალია, ჩვენი ბრალია, კლუბის ბრალია... ყველამ თავის თავს უნდა მიხედოს და იგრძნონ, რომ ყველაფრის უკეთ გაკეთება შეუძლიათ."
"ჩვენ ვიყავით გუნდი, რომელიც ყოველთვის ტიტულისთვის იბრძოდა, მაგრამ ეს ისევ ასეთი მარტივი მისაღწევი არ იქნება."
"თუმცა ჩვენ ისევ უნდა ვიპოვნოთ ჩვენი თავი და სწორედ ამისთვის მოვედი. ახლა ძალიან, ძალიან ბევრს ვმუშაობთ, მაგრამ ეს ყველაფერი არც ისე მარტივია როგორც ჩანს."