გუშინდელ მატჩში "მანჩესტერ იუნაიტედის" ერთადერთი ნათელი წერტილი მეისონ გრინვუდი გახლდათ. 17 წლის ფეხბურთელის თამაშით სასიამოვნოდ გაოცებული დარჩა ოლე გუნარიც და აკადემიელმა მწრთვნელის ქებაც დაიმსახურა.
"მეისონი უბრალოდ ბრწყინვალე იყო, ხალხი გააოგნა და გულშემატკივრებსა და ფეხბურთელებს გაგრძელების ძალას აძლევდა. ის მხოლოდ ჩვიდმეტი წლისაა, მხოლოდ ჩვიდმეტი წლის და მისი დებიუტი უბრალოდ ბრწყინვალე იყო. ნამდვილად ნათელი წერტილი იყო დღეს მოედანზე. "
"მან თავიდანვე კარგად აუღო თამაშს ალღო და უბრალოდ არ გაუმართლა და ამიტომ ვერ გაიტანა გოლი, თუმცა იმდენად კარგი მატჩი ჩაატარა, რომ ეს მატჩი გოლს იმსახურებდა."
გრინვუდის შესახებ ისაუბრა მისმა თანაგუნდელმა ჯესი ლინგარდმაც, რომელიც მოხარულია ახალგაზრდის წარმატებით:
"ის ბრწყინვალე იყო. მას სიამოვნებდა ყველაფერი, რასაც აკეთებდა და ჩვენ ენერგიას გვმატებდა. ბურთს იღებდა, დარტყმას არ ერიდებოდა, ამ ბავშვს ნამდვილად აქვს თავდაჯერება, რაც იდეალურია. საერთოდ არაფრის ეშინია, არ ეშინოდა 75 000 კაცის წინ თამაში."
"მან თავის თავზე ბევრი მომენტი აიღო და კარგიც ქნა, რადგან ის ბრწყინვალეა. რა თქმა უნდა, მას ყველა ეხმარებოდა, რადგან ეს ჩვენი სამსახური და ვალია. "მანჩესტერ იუნაიტედი" სწორედ ეს არის, ახალგაზრდებს განვითარებისა და წინ წასვლის საშუალებას აძლევს. დარწმუნებული ვარ, რომ ის მომავალ სეზონში ყველაფერს ბრწყინვალედ გააკეთებს."