ჯესი ლინგარდმა განაცხადა, რომ "მანჩესტერ იუნაიტედი" 2019/20 წლების სეზონისთვის მზად იქნება.

"წითლებმა" სეზონი ცუდ ნოტაზე დაასრულეს და "ოლდ ტრაფორდზე" "კარდიფის" წინააღმდეგ 2-0 ანგარიშით დამაცხდნენ, თუმცა ჯესი მაინც ინარჩუნებს პოზიტიურ განწყობას და სჯერა, რომ "ეშმაკები" მომავალი სეზონისთვის დაბრუნებას შეძლებენ.

"რა თქმა უნდა, ეს იმედგამაცრუებელია. ჩვენ მოუთმენლად ველით შემდეგ სეზონს, ჩვენ გადავჯგუფდებით, რაღაცებს დავხვეწავთ და უკან ძლიერები დავბრუნდებით."

"ყველასთვის რთულია: გულშემატკივრებისთვის, ფეხბურთელებისთვის, ყველასთვის, ვინც ამ კლუბთანაა დაკავშირებული. ეს არ არის ის, სადაც უნდა ვიყოთ. "მანჩესტერ იუნაიტედი" იმსახურებს, რომ ცხრილის სათავეში იყოს და ყველამ ვიცით, რომ ეს მარტივი არ იქნება. ბევრი მუშაობა, სურვილი, რაღაცების გაწირვა და მაქსიმალური კონცენტრირება მოგვიწევს."

"ჩვენ მზად ვიქნებით, სხვა გზა არ გვაქვს. ჩვენი სიტყვა სეზონის დასაწყისიდანვე უნდა ვთქვათ და დასასრულს არ ველოდოთ."

"გრძელი სეზონი სეზონი გველის, უამრავი თამაშით და მომავალ წელს ყველა დაგვჭიდება. დარწმუნებული ვარ, რომ წინა-სასეზონო სამზადისი ძალიან რთული იქნება და მწრთვნელი დაგვტვირთავს."

"წინა-სასეზონო სამზადისის შემდეგ ისეთ ფორმაში უნდა ვიყოთ, რომ არაფრით არ ჩამოვრჩებოდეთ "სიტისა" და "ლივერპულს" და სხვა გუნდებსაც. ჩვენ უბრალოდ სწორი გეზი სეზონის დასაწყისიდანვე უნდა ავიღოთ," - დაასრულა ლინგარდმა.