"მანჩესტერ იუნაიტედი" კლუბის რეკორდის მოსახსნელად ემზადება. "წითლები" ზაფხულში მცველში რეკორდულ თანხას გადაიხდიან.

"Evening Standard"-ის მიხედვით, ედ ვუდვორდი ოლე გუნარს ბოლომდე მხარში უდგას და მცველისთვის 90 მილიონი ფუნტი გამოუყო.

ვუდვორდი კარგად იაზრებს, რომ "იუნაიტედში" დიდი გადატრიალებებია საჭირო და
"წითლები" ყველაფერს გააკეთებენ, რათა სწორი ადამიანი მოიძიონ.

ვინ აღმოჩნდება ოლე გუნარის გადაწყვეტილებით სწორი ადამიანი ჯერჯერობით უცნობია. თუმცა "იუნაიტედი" უკვე დიდი ხანია კალიდო კულიბალით, მილან შკრინიარითა და ტობი ალდერვეირელდით ინტერესდება.

"წითლებმა" ინტერესი ჰარი მაგუირის მიმართაც გამოიჩინეს. ისინი ინგლისის მცველის შეძენას გასულ ზაფხულსაც ცდილობდნენ.

მუდმივი დაკვირვების ქვეშაა "რეალ მადრიდის" მცველიც რაფაელ ვარანიც, თუმცა, სავარაუდოდ, რადგანაც "იუნაიტედი" ჩემპიონთა ლიგის მიღმა რჩება, მას "ოლდ ტრაფორდზე" გადაბარგების სურვილი არ ექნება.


წყარო: Mirror