ხუან მატამ "მანჩესტერ იუნაიტედის" წარუმატებელ მატჩზე ისაუბრა. "წითლებმა" "ჰადერსფილდთან" ვერ გაიმარჯვეს და, შესაბამისად, ვერც ოთხეულში შესვლა მოახერხეს. ესპანელი ყოველკვირეულად ბლოგებს წერს, არც ამჟამად უღალატა ტრადიციას, თუმცა მხოლოდ შვიდი სიტყვით შემოიფარგლა და ასე ეცადა თავისი დამოკიდებულებისა და მწუხარების გამოთქმა კვირის მატჩსა და მომავალ სეზონზე.

"თქვენ უკეთესს იმსაუხრებთ. მეტის თქმა არ შემიძლია."

მატამ ბლოგის ეს ორი წინადადება გულშემატკივრებს მიუძღვნა, რამაც შესაძლოა, "წითელი არმია" ოდნავ დააშოშმინოს, თუმცა ბოლომდე მათ იმედგაცრუებას ვერ უშველის, რადგან სოლსკიაერის შეგირდებმა ბოლო რვა მატჩში მხოლოდ რვა ქულის მოპოვება მოახერხეს.

ნორვეგიელის მოსვლის შემდეგ "მანჩესტერ იუნაიტედმა" ლიგაში მესამე ადგილი დაიკავა რეკორდების დამყარებაში, თუმცა პსჟ-ს დამარცხების შემდეგ ყველაფერი არც თუ ისე სახარბიელოდ წარიმართა.

მატას კონტრაქტი სეზონის ბოლოს ეწურება, თუმცა სოლსკიაერი იმედოვნებს, რომ ესპანელის შენარჩუნებას მოახერხებს და კლუბში კიდევ ერთი წელი დარჩება.


წყარო: SkySports