როგორ იტალიური პრესა იტყობინება, "მანჩესტერ იუნაიტედსა" და "იუვენტუსს" შორის დიბალას ტრანსფერის შესახებ მოლაპარაკებები უკვე დაიწყო და ახალგაზრდის "ოლდ ტრაფორდზე" გადაბარგება მხოლოდ დროის საკითხია.

დიბალას პოტენციური ტრანსფერი რომელუ ლუკაკუს ისედაც ბუნდოვან მომავალს კიდევ უფრო ეჭვებში ახვევს. როგორც პრესა იტყობინება, ბელგიელს ძალიან უნდა იტალიაში თამაში.

ოლე გუნარ სოლსკიაერისთვის ნომერ პირველი არჩევანი ამჟამად მარკუს რეშფორდია. ბელგიელი "იუნაიტედმა" 2017 წელს 75 მილიონი ფუნტის სანაცვლოდ შეიძინა, თუმცა ძირითადში ადგილის დამკვიდრება ვერა და ვერ მოახერხა. სწორედ ამიტომაც, მისი მომავალი კითხვის ნიშნებს ბადებს. გაურკვეველია გააგრძელებს თუ არა ფორვარდი "ოლდ ტრაფორდზე" თამაშს.

იტალიური პრესის ცნობით, ლუკაკუ პრემიერ ლიგის ორი გუნდის ყურადღების ქვეშ მოექცა, თუმცა მისი ტრანსფერით ყველაზე მეტად "იუვენტუსია" დაინტერესებული.

გარდა ამისა, ჭორების თანახმად, "იუვენტუსს" შესაძლოა კონტე დაუბრუნდეს, რომელიც ლუკაკუს შეძენას ჯერ კიდევ "ჩელსის" გაწრთვნის დროს ცდილობდა.


წყარო: Mirror