"მანჩესტერ იუნაიტედისთვის" გუშინდელი დღე კიდევ ერთი იმედგამაცრუებელი მატჩი იყო. "წითლებმა" გოლის გატანა ახალგაზრდა აკადემიელის, სკოტ მაკტომინეის, წყალობით მაოხერხეს. თუმცა შემდგომ შეცდომები დაუშვეს და საკუთარ კარში ბურთიც გაუშვეს.
რა თქმა უნდა, მატჩის განმავლობაში "იუნაიტედის" გულშემატკივრები იმედგაცრუებულნი იყვნენ, რადგან ინდივიდუალებმა ძალიან ცუდი მატჩები ჩაატარეს. მათ თამაშს ეტყობოდა ენერგიის ნაკლებობა, არასაკმარისი სურვილი და საეჭვო გახდა იმსახურებენ თუ არა ისინი ძირითადში თამაშს.
თუმცა გუშინდელ მატჩში ერთი ფეხბურთელი, რომელიც ნამდვილად ბრწყინავდა სკოტ მაკტომინეი გახლდათ. 22 წლის ნახევარმცველმა გულშემატკივრის სიყვარული მცირე დროში დაიმსახურა.
ახალგაზრდამ არამხოლოდ კარგი თამაშის ხარისხი, არამედ ლიდერული უნარ-ჩვევებიც გამოავლინა. ზოგიერთი გულშემატკივრის აზრით კი "იუნაიტედის" მომავალი კაპიტანი სწორედ ის იქნება.
"ჰადერსფილდთან" ჩატარებული ცუდი მატჩის შემდეგ, მაკტომინეი "იუნაიტედის" სკამზე ჩამოჯდა, თავი ჩახარა და რამდენიმე წუთის განმავლობაში ვერ დგებოდა. ეს "იუნაიტედის" ყოფილმა მცველმა დენი ჰიგინბოტამმა შეამჩნია და ახალგაზრდაზე კომენტარიც გააკეთა:
"დიახ, ასე უნდა გრძნობდეს დამარცხებას თითოეული ჩვენგანი. თუ ამ მატჩის შემდეგ ვინმეს სიცილისა და ხუმრობის თავი ჰქონდა ეს ძალიან ცუდია."
"დღეს საოცარი მატჩი ჩაატარა. საერთოდ, ფანტასტიკური სეზონი აქვს. დღეს კიდევ ერთხელ დალაშქრა მეტოქის კარი და გუნდის მაისურით უკვე მეორე გოლი გაიტანა. ის ნამდვილად არის ფეხბურთელი, რომლის შენარჩუნებასაც სოლსკიარი ეცდება. ის იმ ტიპის ფეხბურთელების სიას მიეკუთვნება, რომლებიც გუნდისთვის ყველაფერს გააკეთებენ და ნებისმიერ პოზიციაზე ითამაშებენ. ის უბრალოდ ბრწყინვალეა."