ევროპული ფეხბურთის ერთ-ერთი ამომავალი ვარსკვლავის გადაბირებით უამრავი ტოპ კლუბია დაინტერესებული, მათ შორის "მანჩესტერ იუნაიტედიც". როგორც ცნობილია, თავად დე ლიხტისთვის პრიორიტეტული ვარიანტი კარიერის "ბარსელონაში" გაგრძელებაა, თუმცა რაიოლასთვის ეს ვარიანტი მისაღები არ არის, რადგან ფინანსური თვალსაზრისით, მას უკეთესი გეგმები აქვს.
ესპანური გამოცემა ABC-ი იუწყება, რომ ახალგაზრდა მცველის აგენტი ფეხბურთელის "ბარსელონაში" ტრანსფერის წინააღმდეგია. მას სურს, რომ ჰოლანდიელი "იუნაიტედში", "იუვენტუსში" ან "ბაიერნში" გადაბარგდეს.
მატეის დე ლიხტს ამსტერდამის "აიაქსთან" მიმდინარე კონტრაქტი 2021 წლის ზაფხულამდე აკავშირებს, თუმცა ცოტა ხნის წინ "აიაქსის" მთავარმა მწვრთნელმა, ერიკ ტენ ჰაგმა დაადასტურა, რომ ფეხბურთელი ზაფხულში ჰოლანდიურ კლუბს დატოვებს.
შეგახსენებთ, რომ ჰოლანდიელი მცველი Golden Boy-ის ჯილდოს მფლობელი გახდა, რომელსაც იტალიური გაზეთი Tuttosport ევროპის საუკეთესო 21 წლამდე ასაკის ფეხბურთელს ყოველწლიურად აკუთვნებს.