გარი ნევილის აზრით, "მანჩესტერ იუნაიტედმა" "მანჩესტერ სიტისგან" მაგალითი უნდა აიღოს და მცეველებზე დიდი თანხა უდნა დახარჯოს.
პეპ გვარდიოლამ მცველებზე 130 მილიონ ფუნტზე მეტი დახარჯა და გუნდში ვოლქერი, მენდი და დანილო მოიყვანა. გარის აზრით, "იუნაიტედს" თუ პრობლემის გადაჭრა სურს ზუსტად იგივე უნდა გააკეთოს.
როგორც ცნობილია, ოლე გუნარ სოლსკიაერი მარჯვენა მცველის მოძიებას ეცდება, რადგან ანტონიო ვალენსია კლუბს ზაფხულში ტოვებს. "არ ვიცი რატომ აქვს "იუნაიტედს" ასეთი პრობლემები მარჯვენა მცველთან დაკავშირებით. მცველს 15 მილიონ ფუნტად ვერ შეიძენ. ბოლო წლების განმავლობაში 100 მილიონ ფუნტამდე აქვთ დახარჯული სწორი მცველის ძიების ცდაში."
"სიტიმ" ძალიან ბევრი დახარჯა სამივე მცველის შესაძენად. შესაძლოა, "იუნაიტედმა" უკეთესი გამჭრიახობა უნდა გამოიჩინოს სწორი ფეხბურთელების შესაძენად და 40 ან 50 მილიონი ფუნტი გამოყონ თითოეული მცველისთვის, რადგან, საბოლოოდ, მაინც დიდ დანახარჯზე ადიან და არანაირი შედეგი არ აქვთ."
"ეშლი იანგს უბრალოდ ვერ გავაკრიტიკებთ. მას მოუწია მარჯვენა მცველის პოზიციაზე თამაში, შემდეგ მარცენა მცველის, შემდეგ მარჯვენა ვინგერად, ისევ მარცხენა ფლანგზე, ოღონდ ვინგერად... ის ყველაფერს ბრწყინვალედ აკეთებს, მაგრამ ის მარჯვენა მცველი არ არის! ანტონიო ვალენსიამაც კარგად ითამაშა ამ პოზიციაზე, მაგრამ ისიც მარჯვენა ვინგერის პოზიციაზე ბევრად უფრო უკეთესია," - დაასრულა გარი ნევილმა.